مش عارف ليه بعد البوست النكد اللي فات ده حسيت إني لازم أحط حاجة لمصر و الصراحة مالقيتش أجمل من ملحمة على اسم مصر لصلاح جاهين
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر
5 comments:
هى حلوة و كل حاجة بس انا مش مقتنع بيها
:D
Aven
هو أنت عندك حق بس هو في قصيدة أنت بيبقى في جانب من الخيال وخصوصا في القصايد المدح الشاعر بيبقى عنده احساس و بيخرجه جميل تجاه حاجة و بيصوره بطريقة جميلة جايز تكون بعيدة عن الواقع خالص
يعني مثلا يتغنى بصوت بياعين الساكسونيا و يقول عليه زي صوت العصافير
Aih ya3am el kalam dah, e7na hanghanny wala hansawsaw :D, 7ottelna 7aga lel rayes satamony :D
we ba3deen feen el post el faray7ee elli enta wa3adtene beeha, walla ana khabet el meshwar le7ad dubai 3al fadee :)
Cpphamza:
Menawarny ya basha we dubai ba2et dalma men 3'irak
we ba3din el post gai bas enta osbor 3alih shewaya
asl 2na men sa3it magit hena we 3ammal albes fe 7agat
e8 ya 7amaza, matsebo8 ya ya3am, el ragel talba8 ma3ah shoya watny :D
btw, why i didn't find any evidance in this blog refere to ur name :D (ya ....)
Post a Comment